Seinasta vikuskifti 16.-18. mars varð DPK'in hildin inni á bygdarhúsinum á Strondum.

Nøkur ár eru nú liðin síðani, at DPK'in varð hildin sum ein lega, men av tí, at patrúljutalið kring landið er voksið tey seinastu árini, varð valt at halda DPK'ina sum eina legu í ár.

12 patrúljur luttóku í DPK'ini, ið vardi í eitt vikuskifti. Patrúljurnar vórðu koyrdar ígjøgnum nógvar kappingar í alskyns veðrið. Summar vóru harðar og onkur skóti vildi verða við, at DPK'in var harðari enn nøkur LPK tey høvdu verið á.

Hugsanin var, at 10 tær bestu patrúljurnar skuldu sleppa við á LPK, men av tí, at bert 12 patrúljur luttóku á DPK'ini sluppu allar víðari í ár.

Vinnararnir á DPK'ini ár 2012 var Súlan úr Kvívík.
Nr. 2 var Músabróðir úr Kvívík og síðani kom Ørnin úr Havn.

Stigartalvan er nú send út til allar bólkarnar sum luttóku á DPK-ini, um onkur er áhugaður í at fáa stigartalvuna sum ikki hevur fingið hana, send so ein mail til This e-mail address is being protected from spambots. You need JavaScript enabled to view it og so senda vit tykkum stigartalvuna